Zaqatalada 63 yaşlı kişi intihar etdi

Zaqatala rayonunda intihar hadisəsi baş verib.

Publika.az“Report”a istinadən xəbər verir ki, bu gün axşam saatlarında Zaqatala şəhəri H.Əliyev prospektindəki fərdi yaşayış evlərindən birinin həyətyanı sahəsində ağacdan asılmış vəziyyətdə 50-55 yaş civarında kişi meyiti tapılıb.

Meyit müayinə edilmək üçün Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinin Zaqatala rayon şöbəsinə təhvil verilib. Məlum olub ki, intihar edən şəxs Zaqatala şəhər sakini, 1955-ci il təvəllüdlü Murad Təmraz oğlu Mirzəyevdir. Onun tüfeyli həyat sürdüyü bildirilir. M.Mirzəyev hazırda yaşayış olmayan ata yurduna gələrək intihar edib.

Faktla bağlı Zaqatala Rayon Prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə araşdırma aparılır.

Qeyd edək ki, bu gün Bərdə rayonunun Ərəblər kənd sakini, 1996-cı il təvəllüdlü Əhmədova Nailə Şakir qızı və Qax rayonunun Lələpaşa kəndinin sakini, 1962-ci il təvəllüdlü İbrahim Mahmud oğlu Abdurahmanov intihar edib.