Bu il Bakıya 1,5 milyon turist gəlib

Bakıda ötən ildə 430 min kvadratmetrdən çox yaşayış sahəsi istifadəyə verilib.

Publika.az xəbər verir ki, bunu Bakı Şəhər İcra Hakimiyyətinin başçısı vəzifəsini icra edən Eldar Əzizov IX Azərbaycan-Rusiya Regionlararası Forumunda çıxışı zamanı deyib.

Onun sözlərinə görə, son 5 il ərzində Azərbaycan paytaxtında ticarət dövriyyəsi iki dəfə artıb: "Bu rəqəm 20 milyard manat təşkil edib".

Eldar Əzizov qeyd edib ki, infrastrukturun inkişafı turistlərin sayının sürətlə artmasına təkan verib: "9 ay ərzində Bakıya təxminən 1,5 milyon turist səfər edib. Rusiya vətəndaşları turistlərin təqribən 30%-ni təşkil edir".