Kənd təsərrüfatı məhsullarının qiymətlərini göstərən açıq elektron informasiya sistemi yaradılacaq

Bakı, 6 aprel,

AZƏRTAC

Kənd təsərrüfatı məhsullarının qiymətləri elektron qaydada açıqlanacaq.

AZƏRTAC

xəbər verir ki, bu məsələ Azərbaycan Prezidenti İlham Əliyevin aprelin 3-də imzaladığı Sərəncamla təsdiqlənən “2015-ci ilin Azərbaycan Respublikasında “Kənd təsərrüfatı ili” elan edilməsi ilə bağlı Tədbirlər Planı”nda öz əksini tapıb.

Tədbirlər Planında qeyd olunub ki, Kənd Təsərrüfatı Nazirliyi 2015-ci ilin III rübündə kənd təsərrüfatı məhsullarının istehsalçı, topdansatış və pərakəndə satış qiymətləri üzrə mütəmadi monitorinq məlumatları əsasında bazar iştirakçıları və ictimaiyyət üçün açıq elektron informasiya sisteminin qurulmasını təmin etməlidir.