Bakıda əməliyyatdan çıxan 6 yaşlı uşaq öldü

Bir müddət öncə Bakıda klinikaların birində əməliyyat olunan uşaq ölüb

Qafqazinfo-

nun əldə etdiyi məlumata görə, hadisə "Loğman" klinikasında baş verib. Biləcəri qəsəbəsi yeni sahədə yaşayan 2009-cu il təvəllüdlü

Murad Qurbanzadə

"Loğman" klinikasında burun-boğaz əməliyyatı olunub.

O, əməliyyatdan sonra evə köçürülüb. Bir həftə sonra evdə burnundan qanaxma başlayıb. Altı yaşlı uşaq xəstəxanaya aparılarkən yolda vəfat edib.

Binəqədi Rayon Prokurorluğundan qafqazinfo-ya bildirilib ki, faktla bağlı ekspertizalar təyin olunub, araşdırma aparılır. Araşdırmaların nəticəsində ölümün səbəbi bəlli olduqdan sonra növbəti addımlar atılacaq. Hələ ki, hadisə ilə bağlı cinayət işi açılmayıb.

Milli.Az