"Azərbaycanda Ronaldunu görmək üçün ağlayırlar"

“Biz Albaniya və Azərbaycan kimi ölkələrə gedəndə, maraqlı mənzərə ilə qarşılaşırıq”.

Apasport.az

saytının məlumatına görə, bu sözləri Portuqaliya millisinin yarımmüdafiəçisi

Tiaqo Mendeş

deyib.

 

İspaniya mətbuatına danışan “Atletiko”nun futbolçusu yığmada komanda yoldaşı

Kriştianu Ronaldu

nun ünvanına tərif yağdırıb.

 

O, bəzi ölkələrdə Ronaldu ilə şəkil çəkdirmək üçün insanların növbəyə durduqlarını bildirib: “Adlarını çəkdiyim ölkələrin hava limanında insanların Ronaldunu görmək üçün necə ağladıqlarını görürük. O, çox böyük futbolçudur. Şübhəsiz ki, millimizin lideri və ən yaxşısıdır. Meydandan kənarda da gülərüz, zarafatcıl insandır. Ronaldu ilə yaxşı dostluğumuz var”.

 

Qeyd edək ki, Portuqaliya millisi heyətində Kriştianu Ronaldu olduğu vaxtlarda 2 dəfə Azərbaycana səfər edib. “Real”ın “qol maşını” bunların birində meydana çıxıb.

Milli.Az