Tərtərdəki hərbi hissələrdə bayram tədbirləri davam edir
Tərtər, 21 mart,
AZƏRTACTərtər Rayon İcra Hakimiyyətinin təşəbbüsü ilə ərazidəki hərbi hissələrdə Novruz bayramına həsr olunan silsilə tədbirlər keçirilir.
AZƏRTAC
xəbər verir ki, rayon ictmaiyyətinin nümayəndələrinin iştirakı ilə N saylı hərbi hissədənövbəti tədbirdə çıxış edənlər ön cəbhədə düşmənlə üz-üzə dayanan zabit və əsgərləri Novruz bayramı münasibətilə təbrik edib, çətin və şərəfli xidmətlərinin yerinə yetirilməsində müvəffəqiyyətlər arzulayıb, onlarla qürur duyduqlarını söyləyiblər
Hərbi hissənin rəhbərliyi və şəxsi heyəti bayramı onlarla bir yerdə keçirdiklərinə görə Tərtər rayonu ictimaiyyətinə minnətdarlıqlarını bildiriblər.
Tədbirdə rayon mədəniyyət evinin “Tərtər” xalq kollektivi maraqlı konsert proqramları ilə çıxış edib. Bayram tədbirində əsgərlər özfəaliyyət kollektivinin üzvləri ilə birlikdə mahnılar oxuyub, rəqs edb, bacarıqlarını göstəriblər.
Sonra hərbi hissələrə bayram sovqatı verilib.