Samuxda qanunsuz ov edənlər saxlanıldı

Bakı, 11 mart,

AZƏRTAC

 

Ekologiya və Təbii Sərvətlər Nazirliyinin aidiyyəti qurumlarının əməkdaşları tərəfindən “Ovçuluq haqqında” Azərbaycan Respublikası Qanununun tələblərinə əməl olunması vəziyyətinin araşdırılması məqsədilə martın 3-dən 10-dək ölkə ərazisində növbəti reydlər keçirilib.

Nazirliyin mətbuat xidmətindən

AZƏRTAC

-a verilən məlumata görə, reyd zamanı Samux rayonu ərazisində qanunsuz ov edən 3 nəfər naməlum şəxs saxlanılıb. Onlardan 3 ov tüfəngi və 6 patron götürülüb, barələrində qanunamüvafiq qaydada akt tərtib olunub. Hazırda sənəd təqdim etməyən qanun pozucularının şəxsiyyətlərinin müəyyənləşdirilməsi üçün qanunvericiliyə uyğun qaydada zəruri tədbirlər görülür.

Reydlər davam etdirilir.