Bakıdakı tikinti şirkətində güclü yanğın olub

Bakıdakı tikinti şirkətində güclü yanğın olub. Milli.Az Fövqəladə Hallar Nazirliyinin saytına istinadən xəbər verir ki, yanğın gecə saatlarında Nərimanov rayonunda, vətəndaşa məxsus tikinti şirkətinin ərazisində meydana gəlib. Tikinti şirkətinə məxsus 2 ədəd "Mercedes" markalı betonötürən yük avtomobilləri yanıb. Yanğından yaxınlıqdakı tikililər mühafizə olunub. Yanğının qarşısını yanğınsöndürənlər alıblar.

Milli.Az