Bakı Ali Neft Məktəbində Novruz bayramı qeyd olunub

[ 19 Mart 2015 15:56 ]

Bakı - APA. Bakı Ali Neft Məktəbində (BANM) Novruz bayramına həsr olunmuş tədbir keçirilib.

Ali məktəbin İctimaiyyətlə əlaqələr şöbəsindən APA-ya verilən məlumata görə, tədbirdə BANM-nin rektoru, professor-müəllim heyəti, əməkdaşları və tələbələri iştirak ediblər.

Tədbiri açan BANM-nin rektoru Elmar Qasımov Novruz bayramı münasibətilə Azərbaycan xalqını, professor-müəllim heyətini, əməkdaşları və tələbələri təbrik edib, onlara ən xoş arzularını çatdırıb.

Tədbirdə Novruz adət-ənənələri barədə ətraflı məlumat verilib. Daha sonra tələbələr bayrama həsr olunan musiqili kompozisiyaları nümayiş edib, nəğmələr oxuyub və rəqslər ifa ediblər.