Avstraliyanın baş naziri: Malayziya Boenginin axtarışı uzun müddət davam edə bilməz

Bakı, 8 mart,

AZƏRTAC

.

Malaysia Airlines şirkətinə məxsus Boeing 777 təyyarəsinin yoxa çıxmasının ildönümü ərəfəsində Avstraliyanın baş naziri Toni Ebbot təyyarənin axtarışının uzun müddət davam etməyəcəyini bildirib.

AZƏRTAC

Rusiya KİV-lərinə istinadla xəbər verir ki, baş nazir qeyd edib ki, axtarışlar əsaslandırılmış ehtimallar mövcud olduğu müddətdə davam edəcək.

Qeyd edək ki, 2014-cü il martın 8-nə keçən gecə göyərtəsində 227 sərnişin və 12 heyət üzvünün olduğu Boeing 777 təyyarəsi Kuala-Lumpurdan Pekinə uçarkən radarlardan itib. Axtarışların indiyədək davam etməsinə baxmayaraq, hələ ki, təyyarənin izini tapmaq mümkün olmayıb.