Abşeron rayonunda yanğınla nəticələnən yol-nəqliyyat hadisəsi baş verib

Bakı, 11 mart,

AZƏRTAC

Martın 11-də gündüz saatlarında Abşeron rayonunun Ceyranbatan qəsəbəsində yanğınla nəticələnən yol-nəqliyyat hadisəsi baş verib.

İlkin məlumata görə, “Fort” və “VAZ” markalı avtomobillər toqquşub. Hadisə nəticəsində baş verən yanğın zamanı “VAZ” markalı minik avtomobili yararsız vəziyyətə düşüb.

Fövqəladə Hallar Nazirliyindən

AZƏRTAC

-a bildiriblər ki, yaxınlıqdakı avtomobillər yanğından mühafizə olunub. Yanğın saat 15:51-də yanğınsöndürənlər tərəfindən söndürülüb.

Bədən xəsarətləri almış sürücü isə Təcili Tibbi Yardım Xidməti tərəfindən xəstəxanaya aparılıb.

Hadisə ilə bağlı müvafiq qurumlar tərəfindən araşdırma aparılır.