Məşhur fizik Albert Eynşteynin illər əvvəl irəli sürdüyü Nisbilik Nəzəriyyəsi qocalmanın qarşısını almağın və nəzəri olaraq zamanda irəli səyahət etməyin sirrini ortaya qoyur.
Metbuat.az xəbər verir ki, elm adamlarının fikrincə, Eynşteyn zamanın mütləq olmadığını sübut edərək yaşlanmanı yavaşlatmağın şifrəsini dünyada deyil, kosmosun dərinliklərində tapıb. Onun nəzəriyyəsinə görə, kosmosda qara dəliklər və ya nəhəng ulduzlar kimi böyük kütləyə malik göy cisimlərinin yaxınlığında olan, yaxud işıq sürətinə yaxın sürətlə hərəkət edən bir müşahidəçi üçün zaman, dünyadakı insanlarla müqayisədə çox daha yavaş axır. Bu isə o deməkdir ki, kosmosun dərinliklərində və yüksək sürətlərdə zaman fərqli işləyir və kosmik səyahət edən şəxs dünyadakılara nisbətən daha az yaşlanır.
Eynşteynin bu dahi kəşfi, insanın bioloji sərhədləri aşaraq kainatda daha uzun müddət var ola bilməsinin açarının məkan-zaman toxumasının bükülməsində gizləndiyini göstərir.
