ABŞ prezidenti Donald Tramp bəyan edib ki, gələcəkdə Ukraynaya ABŞ və Avropa ilə birlikdə təhlükəsizlik təminatlarının verilməsi mümkündür.
Metbuat.az-ın məlumatına görə, Tramp Kiyevin NATO-ya qoşulması ehtimalını istisna edib:
“Mümkündür, Avropa və digər ölkələrlə birlikdə. Amma NATO formatında yox, çünki... Bilirsiniz, bəzi şeylər heç vaxt baş verməyəcək”, – deyə Tramp Rusiyanın prezidenti Vladimir Putinlə görüşmək üçün Ankoricə yola düşərkən təyyarədə jurnalistlərlə söhbətində bildirib.
