Gürcüstanda işıq kəsintisi, DTX araşdırmaya başladı

Gürcüstan Dövlət Təhlükəsizlik Xidməti (DTX) 24 və 25 iyul tarixlərində ölkə ərazisində elektrik enerjisinin kəsilməsinə görə təxribat maddəsi ilə istintaqa başlayıb.

Metbuat.az xəbər verir ki, DTX-nin yaydığı məlumatda deyilir ki, ölkə daxilində təkrarlanan təsadüfi elektrik kəsintiləri ilə bağlı Gürcüstan Cinayət Məcəlləsinin 318-ci maddəsi ilə istintaq başlayıb.

"Maddə Gürcüstanın dövlət maraqlarına təhlükə yaratmaq məqsədilə dövlət müəssisəsinin və ya digər vacib obyektlərin normal fəaliyyətini pozmaq və ya onlara zərər vurmaq/məhv etmək nəzərdə tutulur".