Burada günəş batdı və 65 gün sonra doğacaq

ABŞ-ın Alyaska ştatının şimalında yerləşən Utqiagvik yaşayış məntəqəsi 65 günlük qütb gecəsinə qədəm qoyub. Şəhər 24 saat qaranlığa bürünəcək və gələn il yanvarın 22-nə kimi günəş çıxmayacaq.

Metbuat.az xəbər verir ki, təxminən 4600 nəfərin yaşadığı Utqiagvik Şimali Amerikanın ən ekstremal yaşayış məntəqələrindən biridir.

Yer kürəsinin eksenel əyilməsi səbəbindən günəş işığı qışda bölgəyə düşmür. Burada dekabr ayı ən qaranlıq dövr sayılır.

Utqiagvikdə temperatur tez-tez sıfırın altına düşür. Soyuq hava gündəlik həyata birbaşa təsir edir.

Bu uzun qaranlıq dövr baharın gəlişi ilə başa çatır. Utqiagvik may ayının ortalarından başlayaraq avqustun əvvəlinə qədər fasiləsiz gün işığına qərq olur.