"Mercedes" elektrik dirəyə çırpılıb, yanğın baş verib

Lənkəran şəhərinin Vilvan kəndində "Mercedes" markalı minik avtomobilinin elektrik dirəyinə çırpılması nəticəsində yanğınla nəticələnən yol-nəqliyyat qəzası baş verib.

Fövqəladə Hallar Nazirliyindən Milli.Az-a verilən məlumata görə, yanğın nəticəsində avtomobilin yanar hissələri yanıb.

Yaxınlıqdakı digər avtomobillər yanğından mühafizə olunub. Yanğın yanğından mühafizə bölmələri tərəfindən söndürülüb.

Milli.Az