Bakıdan Şarm əş-Şeyxə birbaşa aviareyslər açıla bilər - FOTO

Azərbaycan Turizm Assosiasiyasından Milli.Az-a verilən əmlumata görə, AZTA-nın rəhbəri Nahid Bağırov Misir nümayəndə heyətini qəbul edib.

Nümayəndə heyətinin tərkibində "Ərəb Dəniz Gəmiçilik Palataları Federasiyası"nın prezidenti, "Kadmar Turizm" şirkətlər qrupunun prezidenti, "İskəndəriyyə İş Adamları" assosiasiyasının davamlı inkişaf komitəsinin sədri, Kontr-admiral Hatem Əlqadi, eləcə də, Misir Ərəb Respublikasının Azərbaycandakı Səfirliyinin Mədəniyyət və Təhsil Əlaqələri Mərkəzinin direktoru Əhməd Sami Elayd və Misir Səfəriliyinin müvəqqəti işlər vəkili Hossam Başari də olub.

Görüş zamanı AZTA rəhbəri Assosiasiyanın fəaliyyəti, ölkənin turizm potensialının təbliği və turizm sahəsinin inkişafı sahəsində görülmüş işlər, onların nəticələri barədə qonaqlara geniş məlumat verib. Nahid Bağırov qonaqları assosiasiyanın ölkə xaricində fəaliyyət göstərən nümayəndəlikləri və onların təbliğat kampaniyalarına tövhələri barədə də məlumatlandırıb. O, AZTA-nın bundan sonra da Azərbaycanın turizm potensialının inkişafında aktiv iştirak edəcəyinı assosiasiya rəhbəri nümayəndə heyəti üzvlərinin diqqətinə çatdırıb.

Görüş zamanı Azərbaycan və Misir arasinda turizm əlaqələrinin inkişafı, o cümlədən ikitərəfli turist mübadiləsinin artırılması, turizm şirkətləri və müvafiq qurumlar arasında əlaqələrin inkişafı perspektivləri müzakirə olunub. Tərəflər Bakı - Şarm əş-Şeyx birbaşa aviareysinin qarşılıqlı turist axınına tövhəsindən danışıblar.

Sonda tərəflər Azərbaycan və Misir arasında turizm əlaqələrinin inkişafına bundan sonra da tövhə verəcəkləri barədə qərara gəliblər.

Yusif Nəsirli
Milli.Az