Bakıda qadın yoxa çıxan ərini axtarır

Bakıda 68 yaşlı kişi itkin düşüb.

Publika.az xəbər verir ki, Xətai rayonu Zığ yolu küçəsində yaşayan 55 yaşlı İlhamə Nəzərova (adlar şərtidir) 36-cı Polis Bölməsinə müraciət edərək həyat yoldaşının itkin düşdüyünü bildirib. Qadın qeyd edib ki, birlikdə yaşadığı həyat yoldaşı, 68 yaşlı Yusif Nəzərov 2 gün əvvəl mənzili tərk edib və ondan xəbər tutmaq mümkün olmayıb.

İ.Nəzərova həyat yoldaşının fotosunu və xarakterik əlamətlərini polisə təqdim edib.

Axtarış tədbirləri həyata keçirilir.