“AB ilə vergi təhdidindən sonra keçirilən görüşdə razılığa gəldik”

ABŞ prezidenti Donald Tramp və Polşa prezidenti Andrzej Duda Ağ Evdə görüşdükdən sonra birgə mətbuat konfransı keçiriblər.

Metbuat.az xarici KİV-ə istinadən xəbər verir ki, ticarət siyasətilə bağlı suala cavabında Tramp bildirib ki, Çinə qarşı tədbirlərə qısa müddət əvvəl başlanılıb. Avropa Birliyinin də Çin kimi ABŞ-dan sui-istifadə etdiyini iddia edən Tramp bildirib ki, bu bir müddətdir və bir az zaman alır: “Avropa Birliyi bizimlə danışmırdı. Barak Obama ilə danışmırdılar”.

Avropa Birliyi Komissiyasının rəhbəri Jan-Klod Yunkeri ABŞ-ın ticarət məsələləsilə bağlı müzakirələrə dəvəti rədd etdiyini bildirən Tramp deyib:

“Yunker yenidən müzakirələri istəmədi. 3 dəfə təklif etdikdən sonra belə istəmədi. Mən də dedim ki, yaxşı, artıq müzakirə etmək məcburiyyətində deyilik. Sizin ABŞ-a göndərdiyiniz milyonlarla maşına vergi tətbiq edəcəyik. Açığı bundan sonra Avropa Birliyi Komissiyasının rəhbəri Jan-Klod Yunker Avropadan ofisimə o qədər sürətli şəkildə gəldi ki, o qədər sürətli olacaqlarını bilmirdim. Tramp, Avropadan gətirilən avtomobillərə qarşı vergi təhdidindən sonra keçirilən görüşdə razılığa gəldiklərini bildirib.

Günay Elşadqızı / METBUAT.AZ