Qəddafinin 45 tərəfdarı ölüm cəzasına məhkum edildi

Liviya məhkəməsi ölkənin keçmiş lideri Müəmmər Qəddafinin 45 tərəfdarını ölüm cəzasına məhkum edib.

Publika.az xəbər verir ki, bu haqda məhkəmənin qərarına istinadən “Axir Nyus” portalı bildirib.

Onlar 2011-ci ilin avqustunda Tripolidə döyüşlərin gedişatında üsyançıların kütləvi güllələnməsində iştirakda ittiham olunublar. Daha 54 nəfər müxtəlif həbs cəzalarına məhkum ediliblər.

Portal qeyd edir ki, məhkəmə işi 2011-ci ilin avqust hadisələrinə aiddir. Liviya paytaxtının şəhərətrafında üsyançıların dəstəsi mühasirəyə düşmüş və hakimiyyətə loyal hərbçilər tərəfindən tamamilə məhv edilmişdi.