Kolumbiya Fələstini müstəqil dövlət kimi tanıdı

Kolumbiya hakimiyyəti Fələstini müstəqil dövlət kimi tanıdı.

Publika.az xəbər verir ki, bu haqda Kolumbiyanın Xarici İşlər Nazirliyinə istinadən AFP agentliyi bildirib.

Fələstin 1988-ci il noyabrın 15-də müstəqil dövlət elan olunub. Bu günədək onun müstəqilliyini 140-a yaxın ölkə tanıyıb.

2012-ci il noyabrın 29-da Fələstin BMT-nin üzvü olmayan müşahidəçi dövlət statusu alıb. Qərar Fələstinin BMT bayrağı altında bütün beynəlxalq təşkilatlara birbaşa müraciət hüququnu tanıyıb, ona ərazisi işğal olunmuş müstəqil dövlət statusu verib.