Hindistanda çoxmərtəbəli binada yanğın: ölən və yaralananlar var

Bu gün səhər saatlarında Hindistanın iqtisadi paytaxtı olan Mumbay şəhərinin cənubunda çoxmərtəbəli binaların birində güclü yanğın baş verib.

Milli.Az Report-a istinadən bildirir ki, bu barədə şəhər polisinin nümayəndəsi bildirib.

Yanğın "Crystal Tower" çoxmərtəbəli yaşayış binasının 12-ci mərtəbəsində başlayıb.

Hazırda hadisə yerinə 14 yanğınsöndürmə briqadası cəlb edilib. Məlumata görə, 4 nəfəri xilas etmək mümkün olub, eyni zamanda 2 nəfər ölüb, 14 nəfər yaralanıb.

Polis nümayəndəsinin sözlərinə görə, binada hələ də azı 10 nəfər qalıb və onlar yanğın çıxışındakı pilləkənlərdə sıxışıb qalıblar.

Milli.Az