Zabit Səmədov 1 milyon qazandı

O, Dubay şəhərində keçirilən “Global Fighting Championship 3″ turnirinin qalibi olub

Azərbaycanın K-1 döyüşçüsü

Zabit Səmədov

Birləşmiş Ərəb Əmirliklərinin Dubay şəhərində keçirilən “Global Fighting Championship 3″ turnirinin qalibi olub.

Anspress

-in məlumatına görə, 31 yaşlı idmançımız ardıcıl iki görüşdə qalib gəlməklə yarışın fəxri mükafatına sahib çıxıb.

Qaydalara əsasən, 4 idmançının təmsil olunduğu turnirdə qaliblər finalda əsas mükafat uğrunda yarışıb.

Yarımfinalda şotlandiyalı idmançı

Stiv Makkinno

nu üstələyən Zabit Səmədov finala adlayıb.

"Mauqli" finalda Konqo-Almaniya əsilli

Danyo İlunqa

ilə üz-üzə gəlib. 3 raunddan ibarət görüşdə rəqibinə güclü zərbələr vuran Səmədov İlunqaya şans verməyib. Hakimlərin qərarına əsasən, döyüşçülər əlavə 4-cü raundda mübarizə aparmalı olublar. Yekunda hakimlərin qərarına əsasən, Zabit Səmədov “Global Fighting Championship 3″ turnirinin qalibi olub.

Qeyd edək ki, idmançımız qalib üçün ayrılan kuboka və 1 milyon dirhəm (286 min manat) pul mükafatına sahib olub.

Milli.Az