Türkiyəli qapıçı UEFA-ın ən yaxşıları siyahısında

Türkiyə millisinin əfsanəvi qapıçılarından olan Rüştü Rəncbər öz mövqeyində ən yaxşılardan biri kimi qəbul edilib.

ANS PRESS-in məlumatına görə, Türkiyə millisinin, eyni zamanda uzun müddət “Fənərpaxça” klubunnun şərəfini qoruyan Rüştü Rəncbər UEFA-nın rəsmi internet səhifəsində açıqladığı Avropanın ən yaxşı qapıçıları siyasında göstərilib.

Avropanın ən yaxşılarından biri kimi qəbul edilən Rüştü Rəncbərin kariyerasındakı yüksəlişin türk futbolunda da özünü göstərdiyi vurğulanıb. Onun 2002-ci ildə Dünya Çempionatında göstərdiyi möhtəşəm performans nəticəsində komandasının üçüncülük qazandığı, bundan başqa, “Euro 2008”in yarım finalındakı çıxışları da müsbət mənada xatırlanıb.

Qeyd edək ki, sözgedən siyahıda Peter Şmeyxel, Jan-Mari Pfaf, Petr Çex Qordon Benks, Zep Mayer, Fabyen Bartez, Edvin van der Sar, Dino Zoff və Lev Yaşinin də adı göstərilib.

Mənbə
ANS PRESS