Türkiyədə seçkilərə qatılacaq partiyaların seçki bülletenində sıraları müəyyənləşib

[ 03 Aprel 2015 18:42 ]

Bakı - APA. Türkiyədə bu il iyunun 7-də keçiriləcək parlament seçkilərində iştirak edəcək 31 siyasi partiyanın seçki bülletenində sıraları müəyyənləşib. APA-nın “Sabah” qəzetinə istinadən verdiyi xəbərə görə, partiyaların sırası Türkiyənin Mərkəzi Seçki Komissiyasında keçirilən püşkatmada müəyyənləşdirilib.

Püşkatmanın nəticələrinə görə, Hakim Ədalət və İnkişaf Partiyası (AKP) 23-cü, ana müxalifət olan Cümhuriyyət Xalq Partiyası (CHP) 22-ci, digər müxalifət partiyası Milliyyətçi Hərəkat Partiyası (MHP) 18-ci, Xalqların Demokratik Partiyası (HDP) isə 19-cu sıradadır.