Rusiyanın xarici işlər naziri birbaşa efirdə iki saatlıq müsahibə verəcək

Moskva, 20 aprel,

AZƏRTAC

Rusiyanın xarici işlər naziri Sergey Lavrov aprelin 22-də “Sputnik”, “Exo Moskvı” və “Qovorit Moskva” radiostansiyalarına birbaşa efirdə müsahibə verəcək.

Rusiya XİN-in başçısı beynəlxalq münasibətlərin və xarici siyasətin aktual problemlərinə dair suallara cavab verəcək.

Müsahibə Moskva vaxtı ilə saat 12.00-dan 14.00-dək davam edəcək.

Görüşün onlayn-yayımı “Ria.ru” saytında olacaq. Rusiya xarici siyasət idarəsi başçısına sualları

radiosputnik@rian.ru

 ünvanına göndərmək olar.

Fəridə Abdullayeva
AZƏRTAC-ın xüsusi müxbiri
Moskva