​Rusiyanın valyuta ehtiyatı bir həftədə 5,3 milyard dollar azalıb

Bakı. 9 aprel. REPORT.AZ/ Martın 27-dən aprelin 3-dək olan müddət ərzində Rusiyanın beynəlxalq valyuta ehtiyatı 1,5% və ya 5,3 milyard dollar azalıb.

"Report" xəbər verir ki, bu haqda Rusiya Mərkəzi Bankının mətbuat üçün açıqlamasında bildirilib.

Bu il martın 27-dək ölkənin valyuta ehtiyatı 360,8 milyard dollar olub. Hazırda isə bu rəqəm 355,3 milyard dollaradək azalıb.