Rusiya hərbi gəmisi Azərbaycan vətəndaşlarını Yəməndən təxliyə edib

Moskva, 12 aprel,

AZƏRTAC

Rusiya Hərbi Dəniz Qüvvələrinə məxsus “Priazovye” gəmisi Yəməndən 308 nəfəri, o cümlədən 5 azərbaycanlını təxliyə edib.

Rusiya Müdafiə Nazirliyinin məlumatına görə, gəmidə 19 dövlətin – Azərbaycan, Rusiya, ABŞ, Böyük Britaniya, Bolqarıstan, Estoniya, Ukrayna, Belarus, Türkmənistan, Özbəkistan, Bəhreyn, Cibuti, Yəmən, Somali, Fələstin, İordaniya, Kuba, Misir, Səudiyyə Ərəbistanının vətəndaşları var.

Nazirliyin rəsmi nümayəndəsi qeyd edib ki, təxliyyə edilmiş vətəndaşlar təhlükəsizlikdədirlər və Cibutiyə gətiriləcəklər.

Fəridə Abdullayeva
AZƏRTAC-ın xüsusi müxbiri
Moskva