Rusiya alimləri süni ürək yaradılması üzərində işləyirlər

Bakı, 6 aprel,

AZƏRTAC

Rusiyada alimlər süni ürək yaratmağı planlaşdırırlar. Cihaz xəstənin əməliyyataqədərki həyatını deyil, ümumiyyətlə, tam mükəmməl həyatını təmin etməlidir.

“Newsland” portalı “RİA Novosti” Agentliyinə istinadən xəbər verir ki, mövcud analoqlar ürək köçürülməsinədək bu orqanı əvəz etməyə imkan verən xarici qurğudur.

Hazırda artıq Rusiyanın ilk üçkameralı kardiotənzimləyicisi işlənib hazırlanır. Bu qurğu ilkin sınaqlardan uğurla çıxıb və plana görə, ilin sonunda hazır olmalıdır. Yeni qurğu ölümə məhkum olan bir çox insanların ömrünü uzadacaq.