Qalmaqallı prezidentdən gözlənilməz addım (FOTO)

Şimali Koreya lideri Kim Çen In ölkənin sabiq prezidenti (atası) Kim Yonq İrin "marşal" ünvanı almasının 23-cü ildönümünü qeyd etmək üçün ölkənin ən yüksək zirvəsi - Paektuya çıxıb.

ANS PRESS-in məlumatına görə, bu barədə Şimali Koreya rəsmi xəbər agentliyi KCNA informasiya yayıb. Çin sərhəddində olan 2750 metrlik dağ "İnqilabın müqəddəs dağı" olaraq adlandırılır. Şimali Koreya lideri dağa çıxdıqdan sonra pilotları salamlayıb.

Şimali Koreya dövlət tarixçəsinə görə, Kimin atası ölkə üçün böyük məna daşıyan bu dağda doğulub. Xarici tarixçilər isə sabiq liderin Rusiyada doğulduğunu iddia edir.

Analitiklər hesab edir ki, Kim Çen In bununla xalqa özünün enerjili bir insan olduğu mesajını verməyə çalışır. İqtisadiyyatı zəif, xalqı isə kasıb olan Şimali Koreya gəlirlərinin çoxunu sərmayələrə deyil, müdafiə sahəsinə xərcləyir.

Mənbə
ANS PRESS