Nənə ilə nəvəsini döyüb soydu - KİRAYƏNİŞİN

Gəncədə soyğunçuluq hadisəsi olub. Lent.az-ın Daxili İşlər Nazirliyinin saytına istinadən məlumatına görə, aprelin 14-də Gəncə şəhər sakini, əvvəllər məhkum olunmuş Şahin Məlikov şəhər ərazisində kirayədə yaşadığı mənzildə, oranın sahibi Güllü Hüseynovanı və nəvəsi Zərifə Bayramovanı döyüb və Zərifənin qızıl boyunbağısını alaraq hadisə yerini tərk edib.

Kəpəz RPİ əməkdaşlarının həyata keçirdikləri əməliyyat-axtarış tədbirləri nəticəsində Ş.Məlikov tutulub.