Kaliforniyada qaz kəmərində baş verən partlayış zamanı 14 nəfər yaralanıb

Bakı, 18 aprel,

AZƏRTAC

ABŞ-ın Kaliforniya ştatından keçən qaz kəmərində 14 nəfərin xəsarət alması ilə nəticələnən partlayış baş verib.

AZƏRTAC

İnterfax informasiya agentliyinə istinadla xəbər verir ki, yaralılardan üçünün vəziyyəti ağırdır.

Partlayış qaz kəmərinin dəmir yol xətti yaxınlığından keçən və çox sayda magistralın olduğu hissəsində baş verib.

Hadisənin hansı səbəbdən baş verdiyi məlum deyil. Partlayış yerində yanğının davam etdiyi bildirilir.