İrəvan xarici siyasəti dondurur

Ermənistan müstəqil xarici siyasətdən imtina edir və indən bilə İrəvanla Moskvanın xarici siyasəti üst-üstə düşəcək.

ANS PRESS-in məlumatına görə, bu fikri Rusiya Xarici işlər Nazirliyinin bu gün yaydığı bəyanatla tanışlıqdan sonra irəli sürmək olar.

Ermənistan xarici işlər naziri Edvard Nalbandyanın 7-8 aprel tarixlərdə Moskvaya səfəri ilə bağlı yayılmış bəyanatda bildirilir ki, xarici işlşər nazirliklərinin məsləhətləşmələri hesabına beynəlxalq siyasətin əsas məsələləri barədə, o cümlədən Avropa təhlükəsizliyi məsələləri üzrə “saatların eyniləşdirilməsi” gerçəkləşdirilir. “Bizim ölkələrin mövqeləri bir çox məsələlərdə oxşardır və ya üst-üstə düşür”,- deyə bəyanatda bildirilir.

Erməni mətbuatı bəyanatı elə də müsbət qarşılamayıb və bunu Ermənistanın vassallaşdırılması kimi dəyərləndirib.

Mənbə
ANS PRESS