Gürcüstan Azərbaycana avtomobil ixracını il ərzində 7 dəfə azaltdı

Bu ilin yanvar-mart aylarında Gürcüstandan Azərbaycana 24 mln. 849,8 min dollar dəyərində 1 356 ədəd minik avtomobili ixrac olunub.

APA

Gürcüstan Milli Statistika Xidmətinə istinadən xəbər verir ki, bu göstərici ötən ilin eyni dövrü ilə müqayisədə 8 156 ədəd avtomobil və ya 7,01 dəfə azdır.

Ötən ilin analoji dövrü ilə müqayisədə Gürcüstandan ixrac olunan minik avtomobillərinin həcmi dəyər baxımından 68,9% azalıb.

Qeyd edək ki, bu ilin üç ayı ərzində Gürcüstandan Azərbaycana ixrac olunan malların ümumi həcmində bu kateqoriyadan olan avtomobillərin xüsusi çəkisi 39,1% təşkil edib.

Hesabat dövründə Gürcüstandan Azərbaycana ixrac olunan avtomobillərin həcmi bu ölkənin ümumi avtomobil ixracının 43,1%-ni təşkil edib.

Milli.Az