Fransada məşhur Şove mağarasının replikası açılacaq

Bakı, 8 aprel,

AZƏRTAC

Bu yaxınlarda Fransanın cənubunda məşhur Şove (“Grotte Chauvet”) mağarasının replikası açılacaq.

AZƏRTAC

Telegraph xəbər saytına istinadla bildirir ki, gələn həftə ölkə prezidenti Fransua Olland UNESCO-nun dünya mədəni irs siyahısına daxil edilmiş mağaradan bir qədər aralı yerləşən replikanın rəsmi açılışında iştirak edəcək. Aprelin 25-də replika ictimaiyyət üçün də açılacaq. Artıq ziyarətçilər üçün 40 min bilet satılıb.

Qeyd edək ki, mağara 1994-cü ildə üç həvəskar arxeoloq tərəfindən tapılıb. Buradakı rəsm əsərlərinin 36 min yaşı var. Tarixi əsərləri qorumaq üçün mağara elə həmin vaxtdan etibarən ictimaiyyətə qapalı elan edilib.