Çilçırağın içərisində marixuana gətirənlər yaxalanıb

Bakı, 14 aprel,

AZƏRTAC

 

İrandan Azərbaycana gələn sürücü və onun köməkçisinin sərhəddən çilçırağın içərisində marixuana keçirmək cəhdlərinin qarşısı alınıb.

Astara Gömrük İdarəsinin sərnişin-nəqliyyat şöbəsində Hafiz Qəhrəmani və Emin Mehtiyevin idarə etdikləri “Skania” markalı sərnişin avtobusuna xidməti itin tətbiqi ilə baxış keçirilib.

Dövlət Gömrük Komitəsindən

AZƏRTAC

-a bildiriblər ki, baxış zamanı avtobusun yük yerindəki çilçırağın içərisindən 2 ədəd bükümdə çəkisi 15,42 qram olan narkotik vasitə - marixuana aşkar edilib.

Faktla bağlı təhqiqat aparılır.