Bu gün İranda Ordu Günü qeyd olunur

Tehran, 18 aprel,

AZƏRTAC

Aprelin 18-i İran İslam Respublikasında Ordu Günüdür. Bununla əlaqədar Tehranda keçirilən hərbi paradda çıxış edən Prezident Həsən Ruhani İranın hərbi doktrinasının müdafiə xarakteri daşıdığını bildirib. Qeyd olunub ki, İran ordusu regionda sülhün və sabitliyin qorunması üçün qüdrətini artırır.

H.Ruhani bəyan edib ki, İran Yaxın Şərq regionunda hökmranlıq etmək niyyətində deyil. Rəsmi Tehran bu bölgədə davamlı sülhün hökm sürməsinə çalışır.

Hərbi paradda İran ordusunun ən yeni silahları, uzaq mənzilli raketləri, müasir tankları və digər zirehli texnikası nümayiş etdirilib.

Rabil Kətanov
AZƏRTAC-ın xüsusi müxbiri
Tehran