Braziliyada helicopter qəzası: 5 ölü

Braziliyanın San Paolo şəhərində helikopterin qəzaya uğraması nəticəsində 5 nəfər ölüb.

APA-nın TASS agentliyinə istinadən verdiyi məlumata görə, idarəetməni itirən helikopter yaşayış binalarının olduğu məhəlləyə düşüb. Qəzanın səbəbləri hələlik məlum deyil.

İlkin məlumata əsasən, Fransa istehsalı olan  EC-155 tipli helikopter texniki baxışdan sonra sınaq uçuşu həyata keçirirmiş. “Seripatri” aviaşirkətinə məxsus helikopterdə iki pilot və üç aviatexnik olub.

Faktla bağlı Braziliyanın Milli Mülki Aviasiya Agentliyi araşdırma aparır.