Balakəndə 6 otaqlı ev yandı

Balakən rayonunda 2 mərtəbəli, 6 otaqlı evdə yanğın baş verib.

ANS PRESS-in FHN-nin saytına istinadən verdiyi məlumata görə, rayonun Püştətala kəndində vətəndaşa məxsus ümumi sahəsi 336 kv.m olan ikimərtəbəli, 6 otaqlı evin 2-ci mərtəbəsində 4 otağın yanar konstruksiyaları və ev əşyaları 168 kv.m sahədə yanıb.

Evin qalan hissəsi yanğından mühafizə olunub.

Yanğın saat 00:34-də yanğınsöndürənlər tərəfindən söndürülüb.

Mənbə
ANS PRESS