Bakı-Quba yolunda iki qardaş qəzaya düşdü

Bu gün günorta saatlarında Siyəzən rayonu ərazisində yol-nəqliyyat hadisəsi baş verib.

APA

-nın verdiyi məlumata görə, hadisə Bakı-Quba yolunun rayonun Ağbaş kəndi ərazisindən keçən hissəsində qeydə alınıb. Quba rayon sakini

Ələkbərov Yusif Firuz oğlu

nun idarə etdiyi “BMW” markalı, 99 EF 626 dövlət nömrə-nişanlı avtomaşında idarəetməni itirib, avtomobil yoldan çıxaraq aşıb. Qəza nəticəsində sürücü və onun qardaşı, 1988-ci il təvəllüdlü

Asif Ələkbərov

müxtəlif bədən xəsarətləri ilə Siyəzən Regional Diaqnostika Mərkəzinə yerləşdirilib.

 

Hər iki şəxsin vəziyyətinin orta-ağır olduğu bildirilir.

 

Faktla bağlı araşdırmalar davam etdirilir.

Milli.Az