Avtobusla minik avtomobili toqquşub, yaralananlar var

Bakı-Şamaxı-Yevlax avtomobil yolunda sərnişin avtobusu ilə minik maşını toqquşub.

Milli.Az

APA

-ya istinadən xəbər verir ki, hadisə bu gün saat 15:00 radələrində yolun 120-ci kilometrliyində, Şamaxı Olimpiya İdman Kompleksinin qarşısında baş verib.

90-ZT-013 dövlət nömrə nişanlı “Mercedes” markalı minik maşını qarşı tərəfdən gələn 56-AZ-261 dövlət nömrə nişanlı “İSUZU” markalı sərnişin avtobusu ilə toqquşub. Hadisə zamanı avtobusun sürücüsü, Şamaxı sakini, 1959-cu il təvəllüdlü

Kərimov Vidadi Ömür oğlu

və “Mercedes”in sərnişini, Bakı sakini, 1963-cü il təvəllüdlü

Xasıyev Eldar Musa oğlu

müxtəlif dərəcəli bədən xəsarətlər alıblar. Onlar Şamaxı Mərkəzi rayon Xəstəxanasına yerləşdiriliblər.

Faktla bağlı Baş Dövlət Yol Polisi İdarəsinin istintaq və təhqiqat şöbəsi tərəfindən araşdırma aparılır.

Milli.Az