“Airbus 380” təyyarəsinin yeni “ekonom-klass” salonu nümayiş olunub

Bakı, 18 Aprel,

AZƏRTAC

 

ABŞ-da artıq bir çox sərnişinlər təyyarə bileti alarkən “ekonom-klass” salonunda uçmaq istəmirlər. Buna səbəb “ekonom-klass” salonunda oturacaqların narahat olmasıdır.

AZƏRTAC

xarici KİV-lərə istinadla xəbər verir ki, sərnişinlərin narahatlığı ABŞ-ın Nəqliyyat Nazirliyini bu barədə düşünməyə vadar edib.

“Airbus” şirkəti “Aircraft Interiors Expo 2015” sərgisində “ekonom-klass” salonu üçün yeni konfiqurasiyalı “Airbus 380” laynerini nümayiş etdirib. Yeni salonlarda cərgədəki oturacaqların sayının on deyil, on bir olmasına baxmayaraq onlar daha geniş və rahat olacaq.

Yeni konfiqurasiyalı təyyarələr 2017-ci ildən satışa çıxarılacaq.