Ağsunun ən iri kənd yaşayış məntəqəsində yeni sosial layihə həyata keçirilir

Ağsu, 1 aprel,

AZƏRTAC

Ağsu rayonunda 4270 nəfərdən çox sakini olan Gəgəli kəndində təbii qaz təsərrüfatı yenidən qurulur.

Rayon qaz istismar sahəsindən

AZƏRTAC

-a verilən məlumatda bildirilir ki, kəndin qazlaşdırılması son illərdə burada həyata keçirilən ən iri sosial layihədir. Qeyd edək ki, əsas boru kəmərindən kəndədək 6 kilometr məsafədə xəttin çəkilişi başa çatdırılıb. Kənddaxili xətlərdə isə işlərin 80 faizi görülüb.

Gəgəli kəndinə təbii qazın cari ilin ikinci yarısınadək verilməsi nəzərdə tutulub.