ABŞ-ın Vayominq ştatında eyni vaxtda 70 avtomobil toqquşub

Bakı, 17 aprel,

AZƏRTAC

ABŞ-ın Vayominq ştatında güclü qar fırtınası səbəbi ilə eyni vaxtda üç iri yol nəqliyyat hadisəsi baş verib.

AZƏRTAC

Vesti.ru saytına istinadla xəbər verir ki, qəzalarda 70 avtomobilin toqquşması nəticəsində ümumilikdə 22 nəfər müxtəlif dərəcəli xəsarətlər alıb.

Zəncirvari yol nəqliyyat hadisəsi ilə əlaqədar Vayominq ştatını qonşu Nebraska və Yuta ştatları ilə birləşdirən avtomobil yolu müvəqqəti olaraq bağlanıb.