Vyetnamda tikintidə baş verən bədbəxt hadisə nəticəsində 14 nəfər ölüb, 30 nəfər xəsarət alıb

[ 26 Mart 2015 07:19 ]

Bakı-APA. Vyetnamın Xatin əyalətində “Formoza” şirkətinə məxsus poladtökmə müəssisəsində  bədbəxt hadisə baş verib.

APA-nın Reuters agentliyinə istinadən verdiyi xəbərə görə, fəhlələrin işləməsi üçün düzəldilən müvəqqəti qurğuların uçması nəticəsində azı 14 nəfər ölüb, 30-dan çoxu müxtəlif dərəcəli bədən xəsarətləri alıb.

Qəza zamanı tikintidə minə yaxın fəhlənin olduğu bildirilir. Ölən və yaralananların dəqiq sayı dəqiqləşdirilir. Hazırda hadisə yerində xilasetmə tədbirləri həyata keçirilir. Hadisənin başvermə səbəbləri hələlik məlum deyil.