Vokalçı Ramil Qasımov konsert verəcək

Milli.Az xəbər verir ki, IV “Muğam aləmi” Beynəlxalq muğam festivalı çərçivəsində Azərbaycan Dövlət Flarmoniyasının kamera və orqan musiqisi zalında vokal ifaçısı

Ramil Qasımov

un konserti keçiriləcək. Martın 17-nə nəzərdə tutulan konsertdə vokalçını Azərbaycan Bəstəkarlar İttifaqının “Baku Simfonietta” orkestri müşayiət edəcək. Orkestrin bədii rəhbəri və baş dirijoru Beynəlxalq müsabiqələr laureatı

Cavad Tağızadə

dir. Gecədə Azərbaycanın tanınmış ifaçısı Ramil Qasımov xalq mahnılarını gənc bəstəkar

Elvin Quliyev

in işləməsində, yeni aranjmanda ifa edəcək. Konsertdə, həmçinin əməkdar artist

Aygün Zeynalova

da iştirak edəcək.

Qeyd edək ki, Azərbaycan Bəstəkarlar İttifaqının “Baku Simfonietta” orkestri 2014-cü ilin fevral ayında ABİ-nin sədri xalq artisti

Firəngiz Əlizadə

və Cavad Tağızadənin təşəbbüsü ilə yaradılıb.

Milli.Az