Serbiya NATO-ya daxil olmaq niyyətində deyil

Bakı, 22 mart,

AZƏRTAC

Serbiya neytral ölkədir və NATO-ya daxil olmaq məqsədi yoxdur.

AZƏRTAC

TASS agentliyinə istinadla xəbər verir ki, bu barədə Serbiya Baş nazirinin müavini və xarici işlər naziri İvitsa Daçiç ölkənin Pink telekanalına müsahibəsində məlumat verib. İ.Daçiç qeyd edib ki, Serbiya

Fərdi Tərəfdaşlıq

üzrə Fəaliyyət Planı çərçivəsində NATO ilə əməkdaşlıq edir, lakin bu, ölkənin neytrallıq məsələsində mövqeyinin dəyişməsi demək deyil. “Biz hərbi baxımdan neytralıq və NATO-ya üzv olmaq niyyətimiz yoxdur”, - deyə nazir əlavə edib.

Xatırladaq ki, Serbiya parlamenti 2007-ci ildə hərbi ittifaqlarla bağlı neytrallığa dair qətnamə qəbul edib. Fərdi Tərəfdaşlıq üzrə Fəaliyyət Planı çərçivəsində NATO ilə əməkdaşlıq haqda qərar isə rəsmi Belqrad tərəfindən 2014-cü ilin dekabrında qəbul olunub.