Şahmat Universiadalar proqramına rəsmi idman növü kimi daxil olub

Bakı, 31 mart,

AZƏRTAC

Zaqrebdə Avropa Şahmat İttifaqı (ECU) və Avropa Tələbə İdmanı Assosiasiyası (EUSA) arasında şahmatın ənənəvi EUSA oyunlarının idman proqramına daxil edilməsi barədə memorandum imzalanıb. Şahmat EUSA yarışlarına qaxil edilən 19-cu idman növü olub. Birinci Şahmat Universiadası bu il oktyabrın 6-dan 11-dək keçiriləcək.

Müqaviləni EUSA-nın prezidenti Adam Roşeka və ECU-nun baş katibi Teodoros Tsorbadzloqlou imzalayıblar.