Qazax və Zaqatalada ev yanıb

Bakı, 25 mart,

AZƏRTAC

Qazaxda ikimərtəbəli 5 otaqlı evdə yanğın olub.

AZƏRTAC

Fövqəladə Hallar Nazirliyinin məlumatına istinadla xəbər verir ki, yanğın sahəsi 216 kv.m olan evin ikinci mərtəbəsində baş verib. Nəticədə 1 otağın döşəməsi 7 kv.m sahədə yanıb.

Zaqatala rayonunun Əli Bayramlı kəndində isə 11 otaqlı evdə yanğın baş verib. Ümumi sahəsi 264 kv.m olan ikimərtəbəli evin ikinci mərtəbəsində 4 otaq və ev əşyaları qismən yanıb. Evin qalan hissəsi və bitişik tikillər yanğından mühafizə olunub.