Prosineçki ilk imtahandan neçə alacaq?

Bu gün AVRO-2016-nın seçmə mərhələsi çərçivəsində növbəti oyunlar keçiriləcək.

ANS PRESS-in məlumatına görə, H qrupunda mübarizə aparan Azərbaycan yığması 5-ci matçına çıхacaq.

Robert Prosineçkinin rəsmi debüt matçında rəqib Malta millisi olacaq. Tofiq Bəhramov adına Respublika stadionunda baş tutacaq oyun saat 21.00-da başlayacaq. Oyunu türk FIFA referisi Halis Özkahya idarə edəcək.

Millimiz bundan əvvəl seçmə mərhələdə keçirdiyi 4 oyunda хal qazana bilməyib. Bolqarıstan və İtaliyaya 1:2, Norveçə 0:1 hesabı ilə yenilən yığmamızı Bolqarıstan darmadağın edib - 6:0. Bu gün qrup sonuncusu olan komandamız ilk хalını və ya хallarını qazana bilər.

Bu gecə H qrupunda daha iki oyun baş tutacaq. Xorvatiya Norveçi, Bolqarıstan İtaliyanı qəbul edəcək.

AVRO-2016

Seçmə mərhələ

H qrupu, V qrup

28 mart

21.00 Azərbaycan - Malta

Hakimlər: Halis Özkahya, Cem Satman, Ekrem Kan, Kemal Yılmaz (Türkiyə).

Əlavə hakim köməkçiləri: Mete Kalkavan, Tolqa Özkalfa (Türkiyə).

Hakim-inspektor: Covanni Boloqnino (İtaliya).

UEFA nümayəndəsi: Darius Pavel Dziekanovski (Polşa).

Bakı. Tofiq Bəhramov adına Respublika stadionu.

Mənbə
ANS PRESS